Transcription
1
Monsegneur, encores que monsieur de Veynes vous
2
faces antandre au long lestat auquel a esté monsieur
3
de Laval depuis notre deypard de Grenoble, si ne
4
lerey-je pour cella vous dire que à la rivée de
5
Jonages, que feut le mercredy 16 de ce moys, il feut
6
sesy d’une fièvre continue qui la gardé pour lespasse
7
de deulx foys vinc et quatre heures, qui a esté cause
8
que nous y avons fait plus de séiour que nous ny
9
panssions pas ; durant lequel tamps et jusques au
10
lundy 21, nous avons gardé le médecin de Monluel
11
qui la servy fort fidèlemant et par le conseil
12
duquel illa esté sègné, au moyen de quoy je pance
13
que la fievre c’est determinée en fabce, dont ce
14
jourdhuy il en a heu le secong excès. Nous arrivames
15
hyer en ceste ville et par le moyen de madamoisele
16
de St Prie, nous avons lougé cheulz ung marchant
17
de soye dessa Saulve, où nous avons esté assés
18
mal accomodés pour deulx nuictz. Quoy voyant, je
19
suis esté trouvé vostre hotesse à la Grenette, la dame
20
Meyre, pour luy compter la maladye de mondict
21
sieur de Laval, laquele ma presanté tant d’honetetés
22
pour vous estre tant hoblygée et affectionnée à vostre
23
service, que par ladvis de monsieur de Veynes, nous nous y
24
renverons demain où nous y serons beaucoup mieulx.
25
Nous tenons nous chevaulx à Jonages à six sous pour
26
cheval checun jour. J’ay escript au chastelin (Juoud)
27
à quel suploiay qui me doys venyr treuvé demain
28
[v°] matin pour me faire recouvrer du vilage, pour argent,
29
quelque volallye où je croys quele sera à melieur
30
compte que de lachepter en ceste ville. Jespère quil
31
ne sera besoing de tout par cella car je pance que
32
la maladye ne sera pas longue, daultant que
33
la grâce à Dieu, il ce gouverne fort sagemant
34
et est patiant à son mal. Monsieur de Mandelot luy
35
prestat sa litière dans laquelle il ce portat fort
36
bien tout le long du chemin. Et nayant chose
37
qui méritest vous faire antandre, je metray fin
38
à la presente, après vous avoir beysé très humblemant
39
les mains, je prieray le Createur
40
Monsegneur, vous donner en bonne santté longue et
41
heureuse vie. De Lyon, ce 22 jullet 1572.
42
Votre très humble et hobeyssant
43
serviteur
44
De chapponay